НАШИТЕ ПАРТНЕРИ

TCS е организација за IT услуги, консалтинг и бизнис решенија којашто дигитално трансформира многу од најголемите бизниси во светот повеќе од 55 години. Како долгорочен стратешки технолошки партнер на JLR, TCS користи критична и нова технологија што ќе му помогне на тимот да го забрза патувањето кон електрификацијата, да победува во трките и да создава поодржлива иднина. TCS работи на градење подобра иднина и искористување на знаењата од тркачката патека за да го трансформира екосистемот на мобилноста. Како дел од групацијата Tata group, TCS има повеќе од 608.000 консултанти ширум светот.

Dow е официјален партнер во областа на материјалите и е компанија што верува во моќта на спортот. Компанијата со гордост го пренесува знаењето во развојот на апликации и техничката интеграција со искуство во областа на транспортот поголемо од 100 години. Како партнер на Jaguar TCS Racing компанијата се грижи за развојот и интегрирањето на материјалите од следната генерација што ќе придонесат за иднина со ниска емисија на јаглерод. Преку заедничките иновации, нашиот тим MobilityScience™ има тесна соработка со Jaguar TCS Racing за да се одредат материјали што ќе ја унапредат безбедноста, ефикасноста и робустноста на тркачкиот автомобил, а во исто време ќе ги препознаат растечките барања на електричните возила на патеката и на градските улици.

Кај нас во Castrol страста за перформанси во комбинација со филозофијата за работа во партнерство ни овозможи да развиеме производи што се во срцето на бројни технолошки остварувања на копно, во воздух, на море и во вселената. Преминот кон електрификација нѐ инспирира да создадеме и да лансираме палета на е-течности, e-Fluids, дизајнирани и тестирани за електрични возила. Нашето партнерство со Формула Е тимот Jaguar TCS Racing ќе ни овозможи да ја тестираме палетата e-Fluids на патеката и ќе ни помогне да ги пронајдеме важните чекори за транспортот на утрешнината. Тоа е повеќе од само масло, тоа е инженеринг за течности.

Како лидер во информацискиот менаџмент, OpenText нуди сеопфатно портфолио на решенија преку информациски услуги, дигитални искуства и операции, деловни мрежи, обезбедување, развој на софтвер, модернизација и аналитика. Решенијата на OpenText им помагаат на клиентите да ги поедностават нивните системи, да креираат беспрекорна автоматизација и да напредуваат во дигиталниот свет.

Alpinestars, производител на првокласна опрема за заштита во автомото спортот се трка на највисоко ниво во овој спорт скоро 60 години. Како партнер на најдобрите возачи и тимови во светот во разни шампионати од Формула 1, Формула Е, WEC и NASCAR до WRC и Дакар, компанијата е посветена да испорача напредни технички производи од највисоко ниво што нудат високи перформанси, заштита и што „дишат“, за врвните спортисти во светот на трките и за возачите на тимот Jaguar TCS Racing, Мич Еванс и Nick Cassidy. One Goal. One Vision. (Една цел. Една визија.)

AERO Sustainable Material Technology внесе револуција во индустријата за бојадисување почнувајќи од молекуларно ниво. AERO е систем за лесен, извонредно траен декоративен слој што има за цел да го елиминира големото влијание на традиционалното бојадисување врз околината. AERO првпат беше развиен за воздухопловната и космичката индустрија, а потоа беше оптимизиран во мото спортот за примена кај тркачките автомобили и со систем за слој со високи перформанси што сам се поправа може да се постигне естетско ниво што не може да се постигне преку нанесувањето на боја со пиштол. AERO производите емитираат НУЛА CO2, создаваат НУЛА VOC (Испарливи органски соединенија), содржат НУЛА PVC соединенија и бараат НУЛА вода. AERO е иднината на бојадисувањето.