РЕЧНИК

Системот Прилагодлива контрола на патна брзина користи радарска технологија за да може автоматски да ја прилагодува вашата брзина со цел да се одржува безбедно растојание до возилото пред вас. Ако тоа возило почне да ја намалува брзината, тогаш и вашиот Jaguar ја намалува својата брзина за да одржува безбедно растојание. Вашето возило продожува со својата претходно поставена брзина штом патот пред него е слободен. Ако автомобилот пред вас потполно застане, тогаш функцијата Помош при возење во колона полека ќе го сопре вашето возило во место. Откако сообраќајот ќе почне да се движи, допрете го педалот за гас и вашето возило повторно ќе го следи автомобилот пред него.

Вашиот автомобил е секогаш спремен ако се појави ситуација којашто бара итно кочење. Ако се забележи потенцијален судар, тогаш автомобилот ќе ви издаде предупредување за челен судар, давајќи ви време да дејствувате. Ако сѐ уште се претпоставува дека ќе дојде до судар а вие не сте реагирале, тогаш нашиот систем Автономно итно кочење ќе ги активира кочниците за да ја намали тежината на можниот судар. Дознајте повеќе за системот Автономно итно кочење

Овој систем автоматски префрлува од средно во долго светло и обратно кога има потреба, со помош на сензорот којшто е монтиран на предната страна на ретровизорот.

Нашиот систем Набљудување на мртвиот агол ве предупредува за возилата кои се во, или кои брзо приоѓаат до вашиот мртов агол. Кога ќе се забележи возило, во односниот ретровизор на врата свети предупредувачка сијаличка. Ако го вклучите трепкачот за правец во насока на пречката, тогаш предупредувачката сијаличка ќе трепка за да ја нагласи потенцијалната опасност. Дознајте повеќе за системот Набљудување на мртвиот агол.

Нашиот систем Надзор на состојбата на возачот забележува дека сте почнале да се чувствувате поспан или дека сте заморен и ви дава рано предупредување кога треба да направите пауза и да се одморите.

Нашиот систем од елементи за помош при паркирање напред и назад се грижи маневрирањето да биде поедноставно и побезбедно. Кога ќе изберете степен на пренос за òд наназад (reverse), или кога системот ќе го активирате рачно, сензорите коишто се поставени во предниот и задниот одбојник се активираат. Како што се паркирате, екранот на допир и аудио системот ви обезбедуваат повратна информација за тоа колку сте блиску до пречките.

Кога е активиран, нашиот систем Интелигентен ограничувач на брзината ги користи информациите од системот Препознавање сообраќаен знак за да ја прилагоди брзината на вашето возило соодветно на добиените информации.

Нашиот систем Предупредување за напуштање на коловозна лента се грижи долгите патувања да бидат многу побезбедни. Системот забележува кога вашиот автомобил ненамерно излегува од вашата коловозна лента и ве известува за тоа со помош на визуелно предупредување и нежно вибрирање на воланот. Дознајте повеќе за системот Предупредување за напуштање на коловозна лента.

Системот Помош за задржување во коловозна лента се грижи долгите патувања да бидат многу побезбедни. Овој систем чувствува кога вашето возило ненамерно излегува од коловозната лента и со активирање на воланот нежно го враќа возилото назад во лентата.

Нашиот систем Помош при паркирање го прави паралелното паркирање во тесен простор наједноставно досега преку управување на вашето возило во погоден простор. Вие треба само да изберете соодветен степен на пренос и да ја контролирате брзината на автомобилот. Овој систем и ќе ве изнесе од паркинг простор, отстранувајќи го целиот стрес од паркирањето. Низ потребните маневри ќе ве водат графики и известувања.

Нашиот систем Помош при паркирање ги прави паралелното и паркирањето под прав агол наједноставни досега преку управување на вашето возило во погоден простор. Вие треба само да изберете соодветен степен на пренос и да ја контролирате брзината на автомобилот. Овој систем и ќе ве изнесе од паркинг простор, отстранувајќи го целиот стрес од паркирањето. Низ потребните маневри ќе ве водат графики и известувања. Дознајте повеќе за системот Помош при паркирање.

Нашиот систем Препознавање сообраќаен знак ве информира и ве известува за патот со прикажување на знаците за ограничена брзина и за забрането претекнување во групата инструменти, кадешто можете лесно да ги забележите.

Нашиот систем од елементи за помош при паркирање назад се грижи движењето наназад во тесен простор да биде поедноставно и побезбедно. Кога ќе изберете степен на пренос за òд наназад (Reverse), сензорите коишто се поставени во задниот одбојник се активираат автоматски. Како што се паркирате, екранот на допир и аудио системот ви обезбедуваат повратна информација за тоа колку сте блиску до пречките.

Особено е од корист при òд наназад кога излегувате од паркинг место - нашиот систем Забележување на сообраќајот којшто приоѓа одзади ве предупредува за возила, пешаци или други опасности што приоѓаат од двете страни на вашето возило. Системот ќе ве алармира за тоа со звучни и визуелни предупредувања така што знаете што има зад вас дури и кога погледот ви е попречен.

Нашиот систем 360° Помош при паркирање ви дава целосна сигурност при маневрирање во тесен простор. Сензорите што се поставени околу автомобилот се активираат автоматски кога ќе се избере степен на пренос за òд наназад (Reverse), или можат да се активираат рачно, а на екранот на допир се појавува графика којашто го прикажува погледот од горе на автомобилот. Како што се паркирате, екранот на допир и аудио системот ви обезбедуваат повратна информација за тоа колку сте блиску до пречките.

Системот Прилагодлива динамика ги набљудува движењата на возилото до 500 пати во секунда и скоро моментално реагира за да даде поголема контрола и да го минимизира навалувањето на каросеријата осигурувајќи стабилно, рамно возење. Овој систем е комбинација од интелигентни сензори и потпирање со постојано променливи амортизери. Оваа карактеристика ја обезбедува оптималната рамнотежа помеѓу комфорот во возењето и контролата на стабилноста. Дознајте повеќе за системот Прилагодлива динамика.

Системот AdSR ги препознава разликите помеѓу површините за да се искористи максималниот достапен зафат на тркалата со површината. Користејќи го ненадминатото искуство на Jaguar Land Rover за системи со погон на четири тркала, овој систем постојано го набљудува опкружувањето на автомобилот и ги прилагодува соодветните поставки на моторот и кочниците. Откако ќе се избере, системот AdSR работи на сите брзини за да ве поддржи во неповолни временски услови и кога минувате преку предизвикувачки површини Дознајте повеќе за системот AdSR.

Алуминиумската конструкција со двојна вилушка овозможува прецизна управливост и брза реакција на воланот и се смета за најдобра конфигурација на системот за предно потпирање.

ASPC технологијата е контрола на мала патна брзина што му помага на автомобилот да се справи со услови со мала тракција. Откако ќе го активирате системот, со помош на копчињата за контрола на патна брзина поставите „целна“ брзина. Оваа брзина може да има вредност од 3,6km/h до 30km/h. Потоа, системот работи за да ја постигне и да ја одржува таа брзина додека применува оптимална контрола на тракцијата. Системот ASPC на возачите на Jaguar им дава дополнителна доверба кога минуваат преку лизгави или растресити површини и површини прекриени со мраз, брановиден терен и дури и при спуштање по остра надолнина. Дознајте повеќе за системот ASPC.

Системот AWD на Jaguar за погон на сите тркала ја унапредува динамиката на возилото и обезбедува поголема тракција во секакви временски услови. Овој систем нуди перформанси со совршена смиреност овозможувајќи сигурна управливост, типична агилност и го унапредува карактерот на погонот на задни тркала кај Jaguar. Дознајте повеќе за системот AWD.

Системот Динамика којашто може да се конфигурира ви овозможува да ја поставите динамиката за мапирање на гаста, моментите на менување на степените на пренос и за управувањето за да одговара на вашите потреби за перформанси. Дознајте повеќе за системот Динамика којашто може да се конфигурира.

Системот Динамичка контрола на стабилноста цело време ги набљудува сензорите на тркалата на возилото и ќе му помогне на возачот да го врати смиреното движење на возилото ако се забележи слаб зафат на тркалата со подлогата или недоволна стабилност. Овој систем го активира кочењето на секое тркало или на кое било од тркалата и ќе ја регулира моќноста на моторот за да ги максимира безбедноста и контролата.

Електронскиот активен диференцијал работи со системите за стабилност, тракција и ABS за да ја контролира распределбата на вртежниот момент на секое од задните тркала. Тоа го постигнува преку набљудување на возилото и карактеристиките на теренот. Целосно електронската контрола врз блокадата на задниот диференцијал му овозможува на системот скоро моментално да примени максимален вртежен момент за блокирање.

Ако дојде до нагло активирање на кочењето, тогаш овој систем ја зголемува силата на кочење до максималната за да се добие пократок пат на кочење. Системот се грижи и да се задржи поголема контрола врз управувањето во неочекувани ситуации.

Системот Контрола на моторното кочење (EDC) ја намалува шансата за блокирање на тркалото предизвикано од силното моторно кочење во лизгави услови. Тој дејствува преку кратко зголемување на вртежниот момент до гонетите тркала според потребата.

Електронскиот серво управувач (EPAS) нуди извонредена повратна информација, контрола и моментална помош за управувањето. Системот е активен по барање – штедејќи ја моќноста за моментите когашто навистина ќе ви треба, а го штеди и горивото. Системот EPAS ви дава прецизна контрола при големи брзини, целосна помош за маневрирањето при мали брзини и овозможува софистицирана компјутерска контрола за да се прилагоди нивото на поддршка за управувањето. Дознајте повеќе за системот EPAS.

За да му помогне на возачот кога тргнува од место на нагорнина, системот Помош при тргнување на нагорнина ги држи кочниците активни доволно долго за да се помести стапалото на возачот од педалот за кочниците на педалот за гас и на тој начин го спречува поместувањето на возилото и ја намалува задачата на возачот . Овој систем е достапен секогаш, нема потреба да се активира.

Ексклузивно развиен од Jaguar, уникатниот софтвер IDD се карактеризира со софистицирани алгоритми за да може интелигентно да реагира на условите на патот за потребата од тракција. Секој пат кога има потреба од поголема тракција, софтверот IDD обезбедува дека точниот износ на вртежен момент се пренесува до предните тркала - процес што трае не повеќе од 165 милисекунди. Овој систем нуди поглатко и побезбедно возење, помала потрошувачка на гориво и има помала емисија на издувни гасови од системот за постојан погон на сите тркала AWD.

Ingenium е нов тип на мотор од Jaguar Land Rover дизајниран за да се добијат беспрекорни перформанси, рафинираност и ефикасност. Со напредната технологија и целосно алуминиумската конструкција, моторот Ingenium има импресивни ниски вредности за потрошувачката на гориво и за емисијата на CO₂.

Овој систем работи заедно со системот Динамичка контрола на стабилноста како и со системите за управување со моторот и трансмисијата за да ги измени карактеристиките на мапирањето на моторот, менувањето на степените на пренос и кочниците. Системот нуди различни режими што се дизајнирани за да се оптимизира реакцијата на возилото на посебни услови и стилови на возење.

Системот на потпирање Integral Link му овозможува на вашиот Jaguar да ја оствари совршената комбинација од префинето, луксузно возење и остро управување со брза реакција. Овој систем ги одвојува и независно управува со напречните, надолжните и вертикалните сили што дејствуваат на потпирањето за да ги унапреди контролата и комфорот. Многу делови се од кован или леан алуминиум - оптимални техники за производство на делови за потпирање со голема јакост и мала тежина.

Технологијата Насочување на вртежниот момент обезбедува контролирано независно кочење на внатрешното предно и задно тркало за да се надополнат силите на вртење што дејствуваат врз автомобилот. Со тоа се добива намалено подуправување што овозможува остро вртење и постабилен зафат на тркалата со подлогата.

Системот Контрола на стабилноста на приколката ги набљудува сензорите за стабилност на возилото преку коишто ги забележува пречките предизвикани од неурамнотежена приколка. Системот на возилото обезбедува активирање на поединечни кочници за да се корегира потенцијално опасната ситуација.

Оваа опција, на ветробранското стакло ги прикажува главните податоци за возилото како што се брзината на возилото, степенот на пренос и насоките на навигација, а притоа возачот нема потреба да го тргне погледот од патот. Прв во светот, овој систем се карактеризира со холографски техники кои резултираат со врвна заситеност со бои, осветленост и контраст. Возачот може оваа карактеристика да ја вклучи или да ја исклучи според потребата. Дознајте повеќе за системот Head Up дисплеј.

InControl е пакет од услуги и апликации што ве поврзува со вашето возило и беспрекорно, а и сигурно, ве поврзуваат со надворешниот свет. Дури и кога сте далеку од автомобилот, InControl останува со вас и гарантира дека Jaguar доживувањето е најзабавно досега.

Функцијата InControl Apps ви овозможува да ги користите разните апликации за паметен телефон коишто се оптмизирани за употреба во возило на вашиот екран на допир, преку приклучување на вашиот уред во USB портата. Оваа функција се карактеризира со постојано проширување на асортиманот на услуги. Овие услуги можат да ви помогнат во планирањето на вашето патување, во организирањето на вашиот ден, вашиот следен состанок, резервација за хотел и во откривањето на светот околу вас.

Погодност и доверба. Функцијата InControl Protect нуди интелигентна апликација Remote за паметен телефон, систем Optimised Jaguar Assistance и SOS итен повик.

Функцијата InControl Secure ја користи технологијата за следење за да ве алармира дека има обид за кражба, а на односните власти им ја дава локацијата на вашето возило за да можат да го оспособат.

InControl Touch е новиот стандарден мултимедијален систем што се карактеризира со 8-инчен екран на допир со интуитивни контроли со допир и поминување со прст. Во него е вграден најсовремениот систем за навигација со мапи во 2Д или 3Д и гласовни пораки. Беспрекорната поврзливост со вашиот телефон, како и елементите за контрола на клима уредот, системот за забава и возилото се во склад со вашето расположение. InControl Touch е центарот на многу карактеристики за активната безбедност и дополнителни опции.

InControl Touch Pro е најнапредниот мултимедијален систем којшто Jaguar го понудил досега. Екранот на повеќекратен допир со брза реакција ги поддржува гестикулациите со поминување со прст и штипнување и ја пренесува нашата најраскошна аудиовизуелна забава. За дополнително збогатување на доживувањето тука е и целосно прилагодливиот основен екран, како и гласовната контрола што ги поддржува командите како што е опцијата „more like this“ (повеќе како оваа содржина). Просторот од 10GB од податочната единица со подобрен квалитет (SSD) е специјално наменет за складирање медиуми како и да овозможи прикажување на насловната страна на албумот преку Gracenote.

Во соработка со британските експерти за звук Meridian дизајнирани се три аудио системи за Jaguar и тие нудат широко пространство од перформанси: дигиталниот аудио систем Meridian од 380W, дигиталниот аудио систем Meridian од 825W со опкружувачки звук и дигиталниот аудио систем Meridian Reference од 1300W. Сите се карактеризираат со напредна технологија вклучувајќи го софтверот за дигитална обработка на сигналите Digital Signal Processor (DSP) за да создадат врвен стерео или опкружувачки звук низ кабината и да го оптимизираат секој елемент од системот, како и со функцијата Meridian Cabin Correction којашто овозможува драстично унапредување на јасноста и автентична репродукција на вашата музика.

Во дизел моделите на Jaguar има AdBlue® за да помогне во чистењето на издувните гасови. AdBlue® е неотровен, незапаллив, биоразградлив адитив што ги чисти гасовите во издувниот систем на автомобилот за да ги отстрани штетните азотни оксиди во нив. Дознајте повеќе за AdBlue®-

Течноста за третман на дизел издувни гасови (DEF) позната и како AdBlue®, AUS 32 и ARLA 32, е течност којашто е неотровна, безбојна, незапаллива и нема вкус. Сместена во посебно определен резервоар во вашиот автомобил, таа се вбризгува во издувниот систем за да ги чисти издувните гасови. Дознајте повеќе за Течност за третман на дизел издувни гасови (DEF).

Клучот за активирање го прави живеењето на животот со полни гради уште полесно. Алката е робусна и потполно водоотпорна. Ви дозволува да уживате во многубројни активности - од падобранство до пливање - и го носи вашиот клуч за автомобилот со вас. Конвенционалната клуч картичка може да остане во автомобилот бидејќи е деактивирана од сигурносни причини. Дознајте повеќе за Клуч за активирање.

Едноставно, поставете го вашето стапало под еден од задните агли на автомобилот и крајната врата се отвора или се затвора.