ТРКАЧКА ДНК

1948-1954 – СИЛВЕРСТОУН & ЛЕ МАН

Целосно нов спортски автомобил и пробница за револуционерниот мотор XK на Jaguar, моделот XK120 е рангиран како најбрз сериски автомобил во светот. Во 1949 година, моделот XK120 победува во Силверстоун, а следната година, три возила XK120 дебитираат на трката во Ле Ман. Тоа е почетокот на нова ера во автомото трките.

1951-1953 – ЛЕ МАН

Во 1951 година, воздухопловниот инженер Малколм Сејер (Malcolm Sayer) доаѓа во Jaguar и со себе ги носи дисциплината и совршенството од аеронаутиката. Неговата прва задача, моделот C-Type, победува во Ле Ман, а возачот на второто возило Стирлинг Мос (Stirling Moss) го соборува најбрзиот круг на патеката. Во 1953 година, моделот C-Type повторно победува во Ле Ман и освојува три од првите четири позиции.

1954-1957 – ЛЕ МАН

Лошите временски услови му ја украдоа победата на моделот D-Type во Ле Ман во 1954 година, дури и по забележувањето на шокантна максимална брзина од 273,5 km/h (170 mph). Сепак, автомобилот со аеродинамичен облик го возврати ударот со победи во 1955, 1956 и 1957 година - година во која освои пет од првите шест позиции. Моделот D-Type до ден денес останува еден од најуспешните тркачки автомобили што е создаден.

1975-1996 – ETCC & СПА 24 ЧАСА

Во 1982 година, под знакот на TWR, британскиот тркач Том Вокиншо (Tom Walkinshaw) внесе тим со V12 XJS во Европскиот шампионат за туристички автомобили и постигна неколку победи во текот на шампионатот. Вокиншо го освојува европскиот шампионат за туристички автомобили во 1984 година во конкуренцијата на возачи, а во истата година победува на престижната трка Спа 24 часа.

1983-1991 – ДЕЈТОНА 24 ЧАСА & ЛЕ МАН

Автомобилите од моделот XJR со затворен кокпит се покажаа импресивни на светските патеки за издржливост - а најимпресивен меѓу нив е моделот XJR-9 од 1988 година. Суперавтомобилот со моќниот V12 мотор победува на трката Дејтона 24 часа, а потоа и во Ле Ман, каде што возачот Мартин Брандл (Martin Brundle) и Jaguar ги освојуваат првите места и во категоријата на возачи и во категоријата на производители.

2000-2004 – ФОРМУЛА 1

Авантурата на Jaguar во Формула 1 со Еди Ирвајн, поранешнен возач на Ferrari, резултираше со неколку освоени места на подиумот. Тимот служеше и како тренинг база на ценетиот австралиски возач Марк Вебер (Mark Webber). Ford беше сопственик на тимот а го водеше и инженерскиот дел. Jaguar разви три автомобили и сите беа со моторот Cosworth V10.

2016 – ФОРМУЛА E

Инспириран од нашето тркачко наследство и поткрепен со колектив од инженери и техничари коишто се признати во светот на трките, тимот Jaguar Racing и неверојатниот I-TYPE 1 влегуваат во Формула Е: смело, натпреварувачки и со ентузијазам кон трките.

2017 - ФОРМУЛА E

Со воведувањето на моделот I-TYPE 2 тимот Jaguar Racing ја запиша својата најуспешна сезона во Формула Е досега со бројни резултати во првите десет позиции. Моделот I-TYPE 2 наменски е направен за исцрпувачки трки низ градските улици, развива моќност до 200kw (270bhp) и потребни му се само 2,9 секунди за да забрза од 0 до 100km/h (0-60mph).

2018-2019 – ФОРМУЛА E

Jaguar I-TYPE 3 заедно со Мич Еванс, возачот од Нов Зеланд, направи историски подвиг за тимот Panasonic Jaguar Racing. Тимот ја освои првата победа во АББ светскиот шампионат на ФИА во Формула Е на E-Prix трката во Рим, во месец април 2019 година, и тоа е прва победа на Jaguar во меѓународниот автомото спорт од 1991 година.

2019-2020 – ФОРМУЛА E

Jaguar I-TYPE 4 го има најлесниот и најефикасниот погонски систем на Jaguar Racing досега и постигнува максимална брзина од 280 km/h. Овој автомобил доминантно победи на трката во Мексико Сити и освои пол позиција и место на подиумот на трката во Сантјаго. Сезоната заврши со 6 трки распоредени во период од 9 дена на затворена кружна тркачка патека на историскиот аеродром Берлин Темпелхоф во Германија. Тимот Panasonic Jaguar Racing го освои седмото место во шампионатот во конкуренција на тимови.