PIVI & НАЈЧЕСТИ ПРАШАЊА ЗА PIVI PRO

Во функцијата Radio (радио), дали „Favourites“ (омилени станици) е слично со меморирани станици?

Да, приказот „Favourites“ (омилени станици) на медија плеерот нуди преглед на сите Ваши омилени радио станици без оглед на брановото подрачје на пр. FM, AM, DAB – Ви го олеснува движењето до Вашите омилени станици без да треба да го менувате брановото подрачје.

До Вашите омилени радио станици можете да пристапите и директно од почетниот екран во моментот кога радиото е активно. Тоа можете да го направите со кликнување на иконата со ѕвездичка и три линии што се прикажува во плочката на медиумот.

Од друга страна, притиснете го копчето за препознавање глас поставено на воланот и со помош на гласовна команда вклучете ја радио станицата што сакате да ја слушате.

Како да додадам радио станица во моите омилени радио станици?

Од екранот „Player“ (плеер), или „Stations“ (станици), допрете ја иконата на ѕвезда. Станиците се наредени по редоследот како се додавани во списокот.

Дали можам да го сменам редоследот во списокот со мои омилени радио станици?

Да. На екранот „Favourites“ (омилени станици), допрете ја и држете ја допрена 2-3 секунди радио станицата што сакате да ја поместите. Потоа, без да ја отпуштите, влечете ја до новата позиција во редот на омилените радио станици.

Како да отстранам станица од списокот со мои омилени станици?

Допрете ја иконата на ѕвезда за станицата што сакате да ја отстраните - таа станица повеќе нема да биде во списокот со омилени станици.

Како да префрлам од една радио станица на друга кога сум во функцијата Media?

Кога сте во функцијата „Player“ (плеер), кликнете на стрелките од која било страна на радио станицата. Со ова ќе смените во достапни станици врз основа на Вашата моментална локација и квалитетот на приемот. Од друга страна, изберете ја картичката „Stations“ (станици) за да скокнете до достапни станици или, со помош на картичката „Favourites“ (омилени станици) можете да се префрлите до сите Ваши омилени радио станици.

Забелешка: Со помош на копчињата за прескокнување поставени на воланот можете да се движите низ Вашите омилени радио станици.

Како се организирани FM станиците во медиумската библиотека?

Кога во медиа плеерот ќе ја изберете картичката „Stations“ (станици) ќе се прикаже список со сите моментално достапни FM станици според нивната фреквенција. Меѓутоа, ако сакате да го смените редоследот на списокот според името на станицата, тогаш тоа можете да го направите во „Radio Settings“ (поставки за радиото). Со допирање на иконата во горниот десен агол на екранот овозможувате да се внесе специфична фреквенција, на пр. 92,5.

Кои аудио формати се поддржани за репродукција на музика?

Pivi и Pivi Pro1 ги поддржуваат следните аудио формати: AAC, MP4, MP3, WAV, OGG, AIF, FLAC и MKV.

Поддржани се следните наставки на датотеки: AAC, M4A, M4B, MP3, WAV, PCM, WMA, OGG, AIF, AIFF, AIFC, FLAC и MKA.

Обрнете внимание: USB стапчињата треба да бидат форматирани или како FAT32 или NTFS. Поранешниот FAT не е поддржан.

Колкав капацитет треба да имаат USB стапчињата што се користат?

Се тестираа USB стапчиња со капацитет до 128 GB со околу 10.000 записи. Користењето на USB стапчиња со поголем капацитет или поголемиот број на записи може да ги намали перформансите.

Имајте во предвид дека секое USB стапче пред да може да се користи ќе треба да се форматира како FAT32 или NTFS ако веќе не е во еден од овие формати. Уверете се дека сте ги зачувале сите податоци од USB стапчето бидејќи со форматирањето ќе се избрише целата содржина на стапчето.

Дали можам да користам преносливи уреди за складирање на медиумски содржини?

Употребата на преносливи уреди за складирање на медиумски содржини не е препорачана бидејќи нивната потрошувачка на енергија значително варира.

Дали е поддржано USB 3.0?

Да.

Дали има разлика во функционалноста помеѓу USB портите во возилото?

Таблата во предниот дел на возилото има една конвенционална USB порта и USB-C порта. Двете порти се поврзани со системот за информации и забава Pivi. Двете порти поддржуваат Apple CarPlay® ² и Android Auto™ ³. Сите други USB порти во возилото се само за енергетско напојување.

Дали е поддржано полнењето со голема брзина?

USB-C портата во таблата поврзана со системот за информации и забава поддржува полнење од 15W со голема брзина.

Секој пат кога го поврзувам мојот телефон со системот за информации и забава тој се поврзува преку Apple CarPlay ®/Android Auto^TM – Мојот телефон не би сакал да го користам на ваков начин. Што можам да направам за да се избегне вакво поврзување?

Во поставките за поврзливост има приоритети за начинот на којшто системот реагира на поврзан телефон – сменете го параметарот во поставките во зависност од телефонот што го користите за да го оневозможите автоматското активирање на Apple CarPlay ®²/Android Auto^{TM 3}.

Што е сметка на InControl?

Сметката на InControl Ви овозможува да се поврзете со Вашите компатибилни поврзани услуги, со Вашиот Jaguar, а во некои случаи Ви овозможува и да ги зачувате Вашите параметри во локално сочуван профил. Кога други луѓе коишто имаат пристап до истото возило ќе се пријават со нивната сметка на InControl тогаш се поставуваат нивните услуги и нивните параметри, а Вашите остануваат лично Ваши и само Ваши. Уште повеќе, една сметка на InControl за возило може да се користи и за далечински пристап до возилото со помош на апликацијата InControl Remote5. Тоа Ви овозможува да го набљудувате статусот на возилото, да примате алармирања во случај кога во возилото е вграден системот Secure Tracker / Secure Tracker Pro5 и далечински да го контролирате возилото. На пример, далечински да го стартувате возилото за да ја климатизирате кабината или да го заклучите/отклучите возилото, да ја активирате функцијата за звучен и светлосен сигнал за да можете едноставно да го лоцирате возилото на паркинг.

Сметката на InControl може да се креира на веб-локацијата My InControl. Истите детали за пријавување тогаш се користат и за да се пријавите во Вашето возило.

Како да ги обновам услугите на InControl?

Кога на Вашите услуги на InControl им истекува рокот, ќе добиете е-пошта со врска за да ги обновите услугите. Ако не сте ја добиле оваа е-пошта или ако изминал рокот за врската, контактирајте ја службата за односи со корисниците.

Како да ги отстранам моите лични податоци?

Пред да го продадете Вашето возило, ќе треба да ги избришете податоците за Вашето возило од Вашата сметка на InControl. Пријавете се на My InControl Website, изберете „Vehicle Setting“ (поставки за возилото) на десната страна и изберете го менито „Remove Vehicle“ (отстрани возило). Кликнете на „Remove Vehicle“ (отстрани возило) за да ги отстраните сите податоци за возилото од Вашата сметка на InControl. Ќе добиете прашање за лозинка за Вашата сметка на InControl. Од Pivi/Pivi Pro1, одете на Settings (поставки) > „All“ (сите) > „Profile Settings“ (поставки за профилот) за да го изберете профилот што сакате да го избришете.

Уверете дека сте ги избришале сите Pivi / Pivi Pro профили во Profile Settings (поставки за профили)

Дали во пакетот Online е вклучен план на податоци?

Да, претплатата за Вашиот пакет Online⁶ е поддржана со комплементарен план на податоци од вградената СИМ картичка во Вашиот Jaguar за неограничено доживување од проследувањето. Може да се применува политика за фер користење.

За подетални информации во однос на политиката за фер користење, а поврзани со оваа функција, погледнете ги условите за користење на Pivi Pro на www.jaguar.com/pivi-pro-terms.

Дали апликациите во живо (Live Apps) стануваат автоматски достапни?

Да, кога нова апликација во живо станува достапна, таа автоматски ќе се ажурира на Вашиот Jaguar сè додека имате важечка претплата за пакетот Online⁶ Во некои случаи, Вашата сметка на InControl ќе треба да се поврзе со компатибилна сметка на трета страна. За да го направите тоа, допрете го копчето „Connect Accounts“ (поврзете сметки) во фиокарот за апликации и изберете ја апликацијата во живо по Ваш избор, следејќи ги екранските упатства. Откако ќе се поврзете, апликациите во живо ќе бидат директно достапни или преку избирачот на извор на главниот медија плеер или преку избирачот на извор во почетниот екран на медиа системот.

Како да ги поврзам моите сметки со мојата сметка на InControl?

Прво, уверете се дека Вашата сметка на InControl е поврзана со Вашиот профил. Кога креирате нов профил, системот ќе активира волшебник за стартување и ќе Ве води низ бројни клучни чекори што ќе Ви овозможат да креирате нов профил и да го поврзете со Вашата сметка на InControl, брзо и едноставно.

Во фиокарот за апликации, притиснете ја иконата „Connect Accounts“ (поврзи сметки) и побарајте ја апликацијата што сакате да ја поврзете. Можете или да го скенирате кодот QR со Вашиот паметен телефон или да изберете „Email Me“ (испрати ми е-пошта) за да испратите врска од веб-локацијата за пријавување до Вашата е-пошта. Откако ќе се поврзете Вашето возило ќе добие известување од облакот и потврда дека сметките се поврзани. Веднаш потоа можете да ја користите услугата во Вашето возило, поврзаните услуги ќе се појават како икона во фиокарот со апликации.

Зошто мојата содржина не се репродуцира цело време?

Достапноста на содржината зависи од јачината на мрежата бидејќи содржината се проследува онлајн. Уверете се дека имате добра врска со мрежата.

Како да го конфигурирам/уредувам почетниот екран?

Поминете со прст преку плочките на почетниот екран, или од лево или од десно, понатаму од плочките што се на располагање. Со ова ќе се појави копче за уредување што ќе го отвори екранот за уредување. Тука можете да додавате/бришете плочки или да го менувате нивниот редослед. За менување на редоследот на плочките, можеби прво ќе треба да избришете плочка а потоа да ја додадете повторно на ново место.

Дали можам да го сменам изгледот на почетниот екран?

Покрај додавање/бришење на плочки и менување на нивниот распоред, на располагање се два изгледа на почетниот екран. Основниот изглед користи серија од вертикално поставени плочки што обезбедуваат директен пристап до најчесто користените функции. Може да се избере алтернативен изглед како на изгледот на фиокарот за апликации. Ова нуди почетен екран како тој на популарните паметни телефони.

Колку плочки можам да додадам на почетниот екран?

Можете да додадете вкупно девет плочки, распоредени преку три екрани. Само поминете со прст преку екранот за да откриете друга група од три плочки или направете едно кратко поминување со прст за да откриете една плочка.

Дали со ажурирањето на софтверот ќе се додадат дополнителни плочки?

Би сакале да развиеме серија од плочки што ќе бидат достапни постепено. Добредојдени се сите коментари за почетните плочки како и барањата за нови плочки и нивната функционалност.

Дали можам на страничните ленти да ги приспособам копчињата за брз пристап?

Копчињата за брз пристап Ви овозможуваат само со еден допир да скокнете до Вашите омилени апликации од виртуелно кој било друг екран. Трите главни копчиња за брз пристап можат да се заменат или да ги сменат местата во зависност од Вашите приоритети. Допрете на една од трите икони и држете ја допрена сè додека екранот не се смени во екран за уредување. Откако сте во режим за уредување, влечете една икона од апликациите што се прикажани во фиокарот за апликации до страничната лента за да замените едно од постоечките копчиња за брз пристап.

Поминување со прст од страната на екранот што е најблиску до возачот овозможува директен пристап до фиокарот за апликации од виртуелно кој било екран.

Кои функции/информации се достапни во секоја од почетните плочки?

Navigation (навигација):

Не е поставена дестинација: Ја поставувате домашната адреса како дестинација, пребарувате, прегледувате неодамнешни дестинации за да поставите дестинација и да избирате со еден клик.

Дестинацијата е поставена: Откажувате навигација, прикажувате сообраќај (каде што е поддржана функцијата) / станици за гориво/полнење / попатни одморалишта, исклучувате/вклучувате звук на гласовно водење. Прикажува информација за следно вртење и проценето време на пристигнување ETA.

Phone (телефон):

Спарувате телефон (ако не е поврзан ниеден телефон), префрлувате помеѓу поврзани телефони или поврзувате на претходно спарен Bluetooth уред што е во опсег, пристапувате до омилени контакти (ако поврзаниот уред ја поддржува оваа функција) / повикувате гласовна пошта, пристапувате до дневник со неодамнешни повици и повикувате со еден клик.

Media (медиуми):

Медиа систем, репродукција/пауза/исклучувате звук (во зависност од изворот) прескокнување, ред на чекање/следен запис (во зависност од изворот)

Eco Data (еко податоци):

Податоци за стилот на возење, влијание врз енергијата (на пр. клима уред)

Slope Assist (помош за движење по наклон):

Го прикажува моменталниот агол на возилото по хоризонтална и вертикална оска

4x4i:

Го прикажува отклонувањето на потпирањето и аголот на воланот

Compass (компас):

Го прикажува на компас моменталниот правец на движење

Weather (временски услови):

Можете да изберете да ги видите временските услови на дестинацијата или временските услови на моменталната локација во текот на следните 24 часа во интервали од по еден час.

EV (режим за електрично возило):

Ја прикажува моменталната предвидена автономија на возење, поставките за режим за мала моќност, ползење на возилото и ниво на регенеративно кочење

Air Quality (квалитет на воздухот):

Дава краток преглед на квалитетот на воздухот во и надвор од кабината на возилото.

Обрнете внимание, сите плочки не се достапни кај сите возила и на сите пазари.

Кои функции може да се регулираат преку елементите за контрола поставени на воланот?

Во зависност од спецификацијата на Вашето возило, преку елементите за контрола што се поставени на воланот можат да се регулираат следните функции:

• Јачина на звук за медиумите, телефонот, аудио сигналите на системот за контрола на растојанието при паркирање, водењето со навигација и повратната информација од системот за препознавање глас.

• Можете да доделите функција на омиленото копче - на пример, извор, исклучување на звук/пауза,

• Елементите за контрола лево/десно може да се користат за префрлање помеѓу записите и омилените радио станици. Обрнете внимание: Со долго притискање на копчето лево/десно се активира пребарувањето низ радиото/записите.

Со помош на новиот интерактивен дисплеј за возачот, можно е и да се избере извор во медија системот, омилена радио станица, или да се избере број од списокот со неодамнешни телефонски повици. За да се направи тоа, притиснете го копчето Menu/OK поставено на воланот и потоа движете се низ соодветната опција.

Во зависност од тоа која функција ја користам, кликнувањето на копчето за поставки дава различни опции - зошто е така?

Сакаме да обезбедиме поедноставен пристап до општите поставки како и побрз пристап до некои вообичаено користени поставки, како поставки за дисплејот и звукот. Поради тоа, иконата за поставки е поставена во долниот дел на екранот на допир за секоја главна функција. Со допирање на ова копче се прикажува „Quick Settings“ (брзи поставки), копчиња за брз пристап за ограничена група на елементи за контрола. Во долниот дел, табличките се прикажуваат врз основа на функцијата што се користи кога е допрено копчето за поставки, поставки за звук како и врска до сите други поставки.

Копчето „back“ (назад) се појавува само во некои екрани, зошто е така?

Pivi и Pivi Pro¹ се дизајнирани околу „структура на рамно мени“. Една од примарните цели беше да се елиминира потребата од копчиња за враќање назад така што текот од една функција во друга е подиректен и пологичен, што е од особена важност за ваква средина.

Масажерот на седиштата се вклучува автоматски. Како да го сопрам тоа?

Можеби случајно сте го овозможиле автоматското активирање на масажерот откако изминало поставеното време од почетокот на патувањето. Овие поставки можете да ги смените во приказот за поставки на седиштата на екранот на допир.

Дали можам да ја приспособам јачината на звукот за водење со навигација и за известувањата од системот Контрола на растојанието при паркирање?

Да, сите извори на звук од Pivi Pro¹ можат да се приспособуваат според Вашата посакувана јачина на звукот. Додека изворот на звук е активен, едноставно приспособувајте го главниот елемент за контрола на јачина на звукот сè додека не го постигнете посакуваното ниво.

Кои функции можам да ги контролирам со новиот систем за препознавање глас?

Системот Препознавање глас на Jaguar Ви овозможува посигурен пристап до медија системот, системот за навигацијата, телефонот и до клима уредот на Вашето возило. За да го активирате системот за препознавање глас притиснете го копчето за овој систем што е поставено на воланот.

Дали можам да користам збор за будење исто како некои виртуелни дигитални помошници?

Сега за сега не, но очекуваме оваа функција да дојде со некое следно ажурирање на софтверот.

Зошто системот за препознавање глас не препознава одредени радио станици?

Ова може да се случи кога неколку радио станици имаат слично име. Во таков случај системот ќе прикаже список со можни станици за да изберете некоја од нив. Едноставно, допрете го името на Вашата станица или изговорете го бројот.

Од друга страна, можете да се обидете да го изговорите целото име на станицата.

Дали може Online Media плеерот да се контролира со глас?

Online Media плеерот можете да го активирате со гласовните контроли преку копчето „Voice“ (глас) поставено на воланот со помош на командите како „Launch Online Media“ (активирај Online Media) или „Launch player“ (активирај го плеерот). Меѓутоа, Online Media плеерот во моментов работи само преку екранот на допир.

Дали можам да го сменам јазикот на системот за препознавање глас?

Јазикот на гласовната контрола е поставен врз основа на јазикот на системот. За да изберете друг јазик за системот за препознавање глас, едноставно изберете друг јазик за системот од менито за поставки на возилото.

Поставките на системот за препознавање глас покажуваат елементи за контрола за потврдување и повратни информации. Какви се тие?

Кога е овозможена функцијата „voice command confirmations“ (потврдување на гласовните команди), системот за препознавање глас го потврдува Вашето изговорено барање со повторување на командата. На пример, откако ќе изговорите „Call home“ (јави се дома) системот вели „Calling home“ (јавување дома). Ако ја оневозможите оваа функција се намалува времето за коешто системот ќе ја изврши задачата. Кога е овозможена функцијата „voice feedback“ (гласовна повратна информација), системот Ве потсетува што да кажете потоа. Повторно, со оневозможување на оваа функција откако ќе се запознаете со работата на системот ќе го скратите времето за комуникација. Имајте во предвид дека дури и откако ќе ја оневозможите функцијата „voice feedback“ (гласовна повратна информација) системот сепак можеби ќе бара дополнителни команди од Вас во одредени ситуации. Исто така, можно е работата на системот да се прекине додека тој сè уште зборува.

За време на гласовната контрола, звукот од трепкачите за правец не се слуша?

Со намалување на јачината на амбиенталните звуци се зголемува степенот на препознавање на командите.

Кои се разликите помеѓу Pivi и Pivi Pro?

Следните главни функции/можности се уникатни за Pivi Pro¹:

• Систем Навигација/Поврзана навигација1 (во зависност од пазарот)

• Учење и контрола на поставки за комфор врз основа на ВИ (вештачка интелигенција)

• Разни поврзани услуги и онлајн забава - достапни со опционалниот (за некои спецификации на возила) пакет Online⁶

• Брзо стартување на системот (вклучувајќи кратко време за поврзување со облакот)

• Pivi Pro1 има свој мобилен модем за поврзување на разни услуги вклучувајќи онлајн забава

• Поддржува интерактивен дисплеј за возачот

• Поддржува пакет Online и Wi-Fi хот-спот7 (во зависност од пазарот)

Зошто кога сум паркиран настрана на пат со густ сообраќај понекогаш добивам известувања за возило во движење и губам пристап до функции?

Ова е поради комбинацијата од барањата за безбедност на возилото и сообраќајните прописи.

Возило со мотор што работи, без оглед на избраниот степен на пренос, не се смета секогаш за стационарно возило - нашиот систем за забележување на движењата ќе продолжи да го набљудува возилото и, во некои случаи, може да забележи движење на возилото од сензорите на тркалата.

Исто така, законски, одредени функции мора да престанат да работат кога тркалата ќе почнат да се вртат. Во некои случаи, и најмалото движење може да ја активира оваа состојба. Во таква ситуација, активирајте ја паркинг кочницата или ножната кочница.

По возењето наназад, а потоа нанапред, на екранот на допир се појавува екран на системот за контрола на растојанието при паркирање - како можам да го сокријам?

За привремено минимизирање на прозорецот, но аудио известувањата остануваат активни – допрете го крвчето во горниот агол на прозорецот за системот Контрола на растојанието при паркирање.

Откако брзината на Вашето возило ќе биде поголема од 11 mph (16 km/h) системот Контрола на растојанието при паркирање ќе се исклучи автоматски.

Зошто кога ќе изберам степен на пренос за òд наназад секогаш се прикажува камерата за поглед наназад – зошто не се прикажува поглед во 350 степени ако тоа било мојата последна користена опција?

Од безбедносни причини. Аголот на поглед на задната камера е многу поширок кога работи како камера со единечен поглед. Погледот од задната камера е и поефективен кога имате предупредување за сообраќај што приоѓа одзади, а е вон Вашето видно поле.

Кој е мојот резултат од возењето?

Резултатот од возењето ја мери актуелната потрошувачка на гориво/енергија и потоа ја споредува со теоретскиот оптимум за секоја секција од патувањето. Помалку кочење, помала употреба на педалот за гас и помалата брзина можат да имаат значително влијание во намалувањето на потрошувачката на гориво/енергија.

Зошто имам резултат од возењето со висок процент, но голема потрошувачка на гориво?

Во некои случаи е можно да се постигне висок резултат од возењето а да имате поголема потрошувачка на гориво/енергија - на пример кога возите во густ сообраќај. Ако Вашиот резултат од возењето е 100% значи дека сте постигнале најефикасна потрошувачка на гориво за патувањето. Додека резултатот од 50% укажува дека сте можеле да постигнете значително пониска потрошувачка на гориво ако сте примениле различен стил на возење..

Како да ги ажурирам мапите во системот за навигација?

Мапите се ажурираат автоматски во заднина (во зависност од пазарот). Мапите можат и да се преземат бесплатно во текот на почетниот гарантен период на возилото (во зависност од пазарот) преку подолунаведената врска: Јапонија:

www.jaguar.co.jp/pivimap Кина:

www.jaguar.com.cn/pivimap Јужна Кореја:

www.jaguar.co.kr/pivimap Останатиот дел од

светот: www.jaguar.com/pivimap

Како да изберам различни погледи на мапа на виртуелниот дисплеј со инструменти?

За да го смените изгледот на интерактивниот дисплеј за возачот, пристапете во поставките преку воланот. За дополнителни приоритети за дисплејот за возачот, пристапите преку главните поставки за Pivi Pro Settings (поставки) > Navigation (навигација) > Driver Display (дисплеј за возачот).

Зошто мапата за навигација престанува да се движи кога користам гестикулација штипни за зумирање?

Штом комуницирате со мапата таа го менува режимот во „Explore“ (истражи). Тоа Ви овозможува да лоцирате места и да ја проверите патеката или сообраќајот во локалната област итн. Мапата автоматски ќе се врати во режим „водење“ по 60 секунди или кога ќе го притиснете копчето ре-центар во долниот дел од екранот на допир.

Одвреме-навреме информацијата за ограничување на брзината што се прикажува на системот за навигација не се совпаѓа со таа што е прикажана на актуелните сообраќајни знаци. Зошто?

Ако во Вашето возило е вграден системот Препознавање сообраќаен знак, тогаш се прикажува комбинација од информациите што се дел од вградената база со податоци за мапата и видливите сообраќајни знаци. Меѓутоа, во одредени ситуации сообраќајниот знак можеби не е видлив за камерите на Вашето возило - на пример, ако сообраќајниот знак се наоѓа близу до раскрсница на страничен пат или системот можеби чита знак на патот за влез на автопат или на раскрсница.

Ако во Вашето возило не е вграден системот Препознавање сообраќаен знак, тогаш прикажаните ограничувања на брзината се врз основа на информациите што се достапни кога се составувала вградената база со податоци за мапата.

Забелешка: Ограничувањата на брзината и локациите на безбедносните камери се ажурираат кога се ажурираат и вградените мапи.

Иако се прави напор за да се обезбедат точни информации, сепак целосната одговорност за почитување на сообраќајните прописи останува на возачот.

Колку попатни станици можам да креирам долж патеката?

Долж патеката можете да креирате колку што сакате попатни станици, вклучувајќи ја Вашата дестинација. Попатните станици се наредени по редоследот по коишто ги додавате. За да го смените редоследот на Вашите попатни станици, допрете ја стрелката за проширување каде што се прикажани информациите за проценетото време на пристигнување (ЕТА) во екранот за навигација. Со ова ќе се прикажат разни попатни станици.

Зошто на почетниот екран се појавува проценетото време на пристигнување (ЕТА) за дестинација којашто не сум ја избрал?

Системот за навигација ги учи Вашите вообичаени патувања и потоа предвидува дека тоа може да биде Вашата потенцијална дестинација и проценетото време на пристигнување (ЕТА) одговара на ова предвидување врз основа на моменталната состојба во сообраќајот. Кога е овозможено водење за секојдневни релации системот може да го обезбеди проценетото време на пристигнување ЕТА дури и ако не сте поставиле дестинација - и Ве информира за какви било потенцијални проблеми на Вашата претпочитана патека. Ако некогаш возите по алтернативна патека до истата дестинација, системот ќе го научи и тоа. Кога системот научил повеќе од една патека за истата дестинација, тогаш тој ја прикажува најбрзата патека и проценетото време на пристигнување ЕТА врз основа на актуелните услови. Кога ќе го почнете Вашето патување тоа ќе се прикаже како линија на мапата, но нема да се изговорат упатствата за водење вртење-по-вртење - системот претпоставува дека Вие ја знаете патеката. Меѓутоа, ако условите во сообраќајот се влошат и излезете од Вашата актуелна патека и од сите патеки по коишто претходно сте оделе до оваа дестинација - системот ќе Ве праша дали би сакале да се префрлите на водењето вртење-по-вртење. Ова може да биде од особена корист ако се наоѓате на непозната локација. Ако се пронајде побрза патека по којашто не сте возеле порано тогаш системот ќе ја предложи оваа побрза патека. Откако ќе го следите отстапувањето од патеката по непознати патишта системот (под претпоставка дека е овозможена функцијата Smart Voice Guidance (Паметно гласовно водење)) , ќе ги активира упатствата вртење-по-вртење. Откако ќе се вратите на познати патишта системот автоматски го исклучува гласовното водење.

Колку патувања треба да направам до истата дестинација за да може функцијата Commute (секојдневни релации) да го научи патувањето?

Вообичаено треба да направите две патувања до истата дестинација од исто почетно место за да може функцијата „commute“ (секојдневни релации) да научи. Исто така, тековното време мора да биде во период +/- 1 час од наученото почетно време.

Како да поставам дестинација?

Постојат неколку начини за поставување дестинација со Pivi Pro¹. Прво, методите што се достапни директно од почетниот екран на плочката за навигација каде што не е поставена никаква дестинација:

1. Поставете ја домашната адреса како Ваша дестинација. Едноставно допрете ја иконата со домашната адреса на почетниот екран на плочката за навигација. Системот ја пресметува патеката врз основа на Вашите приоритети што можат да се сменат во поставките за навигацијата.

Обрнете внимание: ако за домашната адреса сè уште не е поставена локација, системот ќе го активира системот за навигација и ќе Ве води низ процесот за поставување локација. Заради сигурност, можеби е подобро да се постави локација што е доволно блиску до Вашата домашна адреса и системот да Ве води до таму, а во случај на неовластено користење на возилото со ова нема да се покаже вистинската локација на Вашата домашна адреса.

2. Со кликнување на иконата за пребарување во плочката за навигација се отвора системот за навигација со основната страница за пребарување. Кликнете на иконата за категорија POI (место од интерес) на пр. храна и пијалак или кликнете на лентата за пребарување за да напишете одредена локација, адреса или, ако е поддржано, поштенски број. Адресите можат да се внесат како една линија. Како што пишувате системот пребарува за можни совпаѓања, а и нуди опции со автоматско комплетирање на зборот. Со допирање на бројот во резултатите или иконата за криење на тастатурата се откриваат совпаѓањата врз основа на внесените карактери. Допрете на резултат. Сега системот ќе прикаже список со резултати што одговараат.

Еве еден пример како ова се одвива во пракса. Допрете ја лентата за пребарување и напишете „star“ (ѕвезда), допрете на „results“ (резултати). Системот ги прикажува совпаѓањата што го имаат зборот „star“ (ѕвезда). Допрете на „Starbucks“ (Старбакс) за да ги видите сите достапни локации на Старбакс во Ваша близина. Мапата ќе ја ажурира областа за пребарување кога зумирате или се движите околу мапата. Допрете на „Go“ (оди) за да може водењето веднаш да започне или допрете го местото за да откриете повеќе информации.

Второ, можете да ја допрете два пати иконата за навигација во долниот дел на екранот на допир. Ова е копче за брз пристап до екранот за поставки на „Destination“ (дестинација). Тука можете да изберете една од трите опции, „Address entry“ (внес на адреса) (вклучително и поштенски број), „Search“ (пребарување) или „Destinations“ (дестинации). „Destinations“ (дестинации) можат да бидат „Home“ (дома), „Recent destinations“ (неодамнешни дестинации), „Favourite destinations“ (омилени дестинации), „Shared destinations“ (споделени дестинации) или Commutes (секојдневни релации).

1. Кога е достапна секојдневна релација таа ќе се прикаже на почетниот екран на плочката за навигација. Ако е достапна повеќе од една секојдневна релација, врз основа на Вашата актуелна локација и време во денот, ќе се прикаже „commutes available“ (достапни секојдневни релации). Допирање на плочката за навигација Ве носи директно до списокот со достапни секојдневни релации.

2. Од друга страна, изберете дестинација од мапата на екранот и допрете го мени копчето во долниот агол на мапата. Повторно, ќе се прикажат трите опции за дестинација, „Address“ (адреса), „Search“ (пребарување) и „Destinations“ (дестинации).

3. Местата или дестинациите можете да ги испратите до Вашето возило и преку апликацијата за паметен телефон или веб-локацијата Route Planner. Место што е „saved“ (зачувано) во Route Planner ќе се појави во Вашите омилени дестинации штом Вашето возило ќе се поврзе на интернет и ќе ги синхронизира дестинациите. Ако на екранот е отворен системот за навигација кога се прима нова дестинација од Route Planner, тогаш дестинацијата ќе се појави како скок-табла. Со допирање на „use now“ (искористи сега) ќе се потврди дестинацијата во системот за навигација во автомобилот. Местата поставени како дестинација преку Route Planner се појавуваат во неодамнешни дестинации.

Зошто не се појавила дестинацијата што сум ја испратил до моето возило?

Дестинациите можат да се примат само кога возилото има погодна податочна врска. Во некои случаи, иако системот може да покажува дека е поврзан, мобилната мрежа може да е преоптоварена или возилото да е во област со слаба мрежа, што го спречува приемот на дестинации во системот.

Како можам да ги видам алтернативните патеки?

Откако сте избрале дестинација и сте ја потврдиле како дестинација со кликнување на „GO“ (оди), накратко ќе се појави скок-прозорец. Допрете на „Routes“ (патеки) за да ја видите стандардната патека (прва на списокот) и до две алтернативни патеки. Изберете ја Вашата посакувана патека и допрете на „start“ (започни) за да започне водењето.

Како да ја користам функцијата за барање дестинација?

Едноставно, во полето за пребарување внесете место, поштенски број или адреса. Дури и ако погрешно го изговорите името/адресата, функцијата за пребарување вообичаено ќе ја препознае локацијата. Кликнете на броевите со резултат или на копчето за криење на тастатурата за да се покажат односните резултати.

Ако Вашето возило има податочна врска, пребарувањето ќе пристапи до најновите информации во облакот како и до вградената база со податоци во Вашето возило.

Кој е најефикасниот начин за пребарување дестинација?

За да заштедите време, притиснете ја иконата за криење на тастатурата или броeвите со резултат по внесувањето на доволен број на карактери за да може системот да наведе 5 резултати, во случајот на возило со екран на допир од 10“, или 8 резултати за возилата со поголем екран. Така ќе се прикаже целиот список со можни резултати. Со допирање на името во списокот, системот за навигација ќе започне да пребарува резултати според внесениот текст.

Кога се внесува поштенски број со помош на методата со внесување адреса, зошто нема опција да се додаде куќен број?

Со опцијата за внесување поштенски број се врши пребарување од централна точка во тој поштенски број. Меѓутоа, можно е да се пребарува со помош на име на улица и куќен број.

Зошто кога поставувам дестинација понекогаш се појавува иконата за предупредување за гориво?

За да Ве предупреди дека немате доволно гориво да го комплетирате Вашето патување без да застанете да полните гориво.

За да го внесете едноставно застанувањето за полнење гориво во Вашето патување, допрете ја иконата за предупредување за гориво/енергија. Со ова ќе се прикажат станици за полнење гориво/енергија долж Вашата патека близу до местото каде што ќе треба да наполните гориво/енергија - ова ќе Ви обезбеди и поточно проценето време на пристигнување (ЕТА).

Што е поглед на местото на пристигнување?

Кога сте на приближно пет минути од Вашата дестинација, еден скок прозорец со поглед на местото на пристигнување Ви нуди да побарате паркиралишта. Кликнете на „show parking“ (покажи паркиралиште) за да се прикаже список со паркиралишта што се најблиску до Вашата дестинација. Се прикажува растојанието помеѓу Вашата дестинација и секое паркиралиште. Кога ќе кликнете на „Go“ (оди) паркиралиштето се додава како попатна станица.

Што е паметно гласовно водење?

Кога функцијата Паметно гласовно водење е овозможена во поставките за навигацијата на вообичаени патувања, системот за навигација ќе Ве извести за застоите во сообраќајот долж Вашата патека и ќе Ви препорача алтернативна патека, ако е достапна. Ако новата патека вклучува патишта коишто Ви се непознати тогаш системот автоматски ќе го овозможи гласовното водење и визуелните упатства вртење-по-вртење. Кога ќе се вратите на познати патишта системот автоматски ќе го исклучи гласовното водење.

Што се секојдневни релации?

Системот ги учи патеките по коишто возите од одредена локација до одредена локација, на пр. од дома до работа и назад. Исто така може да се научат и други чести патувања во слично време од денот.

На почетниот екран (како и на главната функција за навигација) системот ќе прикаже до три предвидени дестинации врз база на машинско учење. Дестинацијата ќе се прикаже заедно со патот на патеката што Ви овозможува да направите разлика помеѓу патеки по коишто претходно сте возеле со повеќе од една патека за дадена дестинација. Се прикажува и очекуваното проценето време на пристигнување ЕТА што Ви овозможува накратко да видите дали времето за Вашето патување ќе биде според очекуваното вообичаено време на патување или не.

Како работи функцијата за автоматски старт на водењето за секојдневни релации?

Кога не е поставена патека или кога не е активно водењето за секојдневни релации, системот за навигација не може да извести за потенцијални застои долж Вашата патека. Меѓутоа, кога функцијата за автоматски старт на водењето за секојдневни релации е овозможена во системот за навигација, тогаш системот со голема сигурност ќе предвиди една потенцијална дестинација (врз основа на научените Ваши секојдневни релации). Водењето за секојдневни релации ќе започне автоматски, со претпоставка дека патеката по којашто возите ја следи точно предвидената патека.

Кога е активирано водењето за секојдневни релации, доколку се појави сообраќаен инцидент долж Вашата патека, системот сè уште има можност да Ве алармира (во зависност од локацијата на сообраќајната незгода и достапните алтернативни патеки), и Ви овозможува да одите по алтернативна патека ако треба.

Што овозможува параметарот „mirror info panel“ (слика во огледало на инфо таблата) во поставките за навигацијата за интерактивниот дисплеј за возачот?

Во главниот дисплеј за навигацијата на екранот на допир, со кликнување на стрелката за проширување на страната на информацијата за следното вртење, се појавува инфо табла којашто прикажува различни информации на страната на главниот поглед на мапа на навигацијата. Со поминување со прст налево и надесно на таблата, можат да се прикажат алтернативни погледи. Некои од опциите се список со вртења, компас, сообраќајни списоци, поглед на мапа на преостанатата патека и приказ на анализа на патеката. Со овозможена опција „mirror info panel“ (слика во огледало на инфо таблата) во поставките за навигацијата, инфо таблата што е видлива на екранот на допир ќе биде прикажана и од страната на погледот на мапа кога на интерактивниот дисплеј за возачот ќе се избере поглед на мапа на целиот екран. Тоа овозможува сите главни информации за водењето со навигација да се прикажат директно напред и се ослободува простор на екранот на допир за да се прикажуваат други информации според Вашите желби.

Ја избрав опцијата за сателитски поглед на мапа, но само на еден од екраните се прикажува сателитски поглед на мапа?

Поставките за навигацијата Ви овозможуваат да изберете сателитски поглед на мапа или за интерактивниот дисплеј за возачот или за екранот на допир, што Ви нуди каква било комбинација од погледи на мапа на екраните според Ваша желба.

Кога пребарувам дестинација се прикажува и растојанието, но откако ќе ја потврдам дестинацијата вообичаено е растојанието значително да се зголеми?

За да обезбеди побрзи резултати од пребарувањето, растојанието се пресметува како права линија. Растојанието се пресметува попрецизно кога е испланирана целата патека.

Како можам да пребарувам за места од интерес што се долж мојата патека?

Изберете категорија на места од интерес или внесете команда за пребарување на пр. италијански ресторани. Поместувајте ја мапата долж Вашата патека, италијанските ресторани ќе се прикажат по неколку секунди.

Како се ажурира базата со податоци за безбедносни камери на патиштата?

Базата со податоци за безбедносни камери на патиштата се ажурира кога се ажурира базата со податоци за мапите.

Ние ги вклучуваме локациите на безбедносните камери на патиштата за да ги нагласиме познатите црни точки. Нашата намера е да ја поддржиме безбедноста на нашите клиенти, нивните патници и на другите учесници во сообраќајот.

Иако се прави напор за да се обезбедат точни информации, сепак целосната одговорност за почитување на сообраќајните прописи останува на возачот.

Дали можам во режимот „guidance“ (водење) да приспособувам кои известувања ќе се појавуваат во навигацијата?

Да, со пристапување во поставките за навигацијата можете да приспособувате кои известувања ќе се прикажат во навигацијата.

Дали можам да го овозможам емитирањето на звучните сообраќајни известувања од локалните радио станици?

Да, одете на Settings (поставки) > Сите > Апликации > Медиа > AM FM поставки > Сообраќајни известувања > Вклучено

Дали можам да го овозможам емитирањето на звучните сообраќајни известувања од локалните радио станици?

Да, одете на Settings (поставки) > All (сите) > Apps (апликации) > Media (медиум) > AM FM Settings (поставки за AM FM) > Traffic Announcements (известувања за сообраќајот) > On (вклучено)

Дали ќе се изложам на дополнителни трошоци со користење на услугите на InControl?

Услугите на InControl како што се апликацијата Remote, пакетот Online и системот Wi-Fi Овозможено доаѓаат со комплементарен план на податоци. Нема да се изложите на дополнителни трошоци со користењето на услугите на InControl.

Сепак, Имајте во предвид дека може да се применува политиката за фер користење. По искористувањето на 20GB пред истекот на еден месец, брзината би можела да се намали. Погледнете ги најновите Услови за користење за подетални информации.

Кога почнуваат и завршуваат претплатите за InControl?

Претплатата за системот Навигација ќе се активира со започнување на гаранцијата и ќе важи за целиот период на гаранцијата. Претплатата за апликацијата Remote започнува кога ќе се активира сметка на InControl и ќе важи 3 години. Претплатите со план на податоци за пакетот Online и системот Wi-Fi Овозможено ќе се активираат со започнување на гаранцијата. Стандардните периоди за претплата за пакетот Online и системот Wi-Fi Овозможено се 12 месеци. За да дознаете кога им истекува рокот на Вашите услуги, пријавете се на веб-локацијата My InControl и на десната страна од почетниот екран ќе се прикажат датумите кога истекува рокот на претплатите. Од друга страна, пријавете се на апликацијата Jaguar Remote и под иконата „More“ (повеќе) може да се најде менито „Subscriptions“ (претплати).

Како можам да дознаам уште колку време останало од мојата тековна претплата за системот Навигација?

Одете на „Settings“ (поставки) > „All“ (сите) > „Navigation settings“ (поставки за навигацијата) > „Connected services licence“ (лиценца за поврзани услуги). Тука се прикажани рокот на важност и сите достапни функции. Овие податоци можат да варираат во зависност од тоа каде сте го купиле Вашето возило.

Дали ќе можам да ја обновам мојата претплата?

Кога на Вашите услуги на InControl им истекува рокот, ќе добиете е-пошта со врска за да ги обновите услугите. Ако не сте ја добиле оваа е-пошта или ако изминал рокот за врската, контактирајте ја службата за односи со корисниците.

Кои верзии на интернет-прегледувач и оперативен систем се поддржани од разните апликации и достапните веб-локации?

Апликацијата Route Planner: Android 4.3 или понов, Apple iPhone 4s или понов што работи на iOS 8.0 или понов. Веб-локацијата Route Planner: Internet Explorer 9, 10, 11, Firefox 36, 37, Chrome 37, 38, Safari 7.1, 8. Поддржани оперативни системи за веб-локацијата Route Planner: Windows 7, 8, 10, Mac OSX Mavericks или понов.

Дали можам да поврзам повеќе од едно возило на мојата сметка на InControl?

Да, можете да поврзете повеќе од едно возило на Вашата сметка на InControl. За да додадете друго возило на Вашата сметка одете на www.jaguarincontrol.com/owner, кликнете на картичката „Add Vehicle“ (додади возило) на горниот дел од страницата со контролна табла на возилото и следете ги чекорите за да додадете ново возило на Вашата постоечка сметка на InControl.

Што ќе се случи ако го изгубам телефонот или ако ми го украдат?

Jaguar ги советува клиентите да постават соодветна заштита на нивните уреди. Ако го изгубите Вашиот телефон, или ако Ви го украдат, тогаш во Вашата сметка на InControl можете да се пријавите преку веб-локацијата My Jaguar InControl и да ја смените Вашата лозинка и Вашиот ПИН.

Каде можам да поставам какво било прашање во врска со InControl?

Веб-локацијата на Jaguar InControl www.jaguar.com/incontrol нуди информации во врска со функциите на InControl.

За дополнителни прашања или за проблеми во врска со InControl, можете да го контактирате Вашиот продавач на Jaguar или центарот за односи со корисници (CRC).

Кои функции/услуги бараат активна претплата?

Во моментов, од месец август 2020 година, достапни се следниве претплати:

Поврзана навигација¹
Сообраќајни информации во реално време
Онлајн водење
Сателитски погледи на мапа
Онлајн пребарување вклучувајќи коментари, оценки и слики
Достапни паркиралишта
Цени на гориво
Достапни станици за полнење на ЕВ (електрично возило)
Локации на безбедносните камери
Ажурирање на мапите

Пакет Online⁶
Wi-Fi овозможено со функцијата план на податоци⁷
Функцијата Secure Tracker / Secure Tracker Pro⁵
Апликацијата InControl Remote⁴

Сите функции и услуги се предмет на достапност на пазарот.

Како да креирам сметка на InControl и како да ги активирам услугите на InControl?

Ако Вашиот продавач веќе не го направил тоа, одете на www.jaguarincontrol.com/owner и следете ги чекорите за да креирате Ваша сметка на InControl и да ги активирате услугите на InControl.

Како да знам дека моите услуги на InControl се активирани?

Вашите услуги на InControl ќе се активираат откако успешно ќе го завршите процесот за поставување на InControl, а на адресата за е-пошта што сте ја дале во текот на процесот за поставување ќе добиете е-пошта за потврдување.

Следниот пат кога ќе го стартувате моторот на Вашето возило сијаличките на копчињата за ЅОЅ Итен повик и за функцијата Optimised Jaguar Assistance што се наоѓаат на таванската конзола во Вашето возило ќе светат.

Купив возило на старо, како да креирам моја сметка на InControl и да ги активирам услугите на InControl?

Почнете така што ќе проверите дали Вашето возило е опремено за услугите на InControl. На таванската конзола во Вашето возило би требало да има две вратички што се отвораат со притискање и се пристапува до ЅОЅ копчето за итни повици (икона ЅОЅ) и копчето за функцијата Optimised Jaguar Assistance (икона со рачвест клуч).

Ако сијаличката на копчето ЅОЅ итен повик свети а сијаличката на копчето на функцијата Optimised Jaguar Assistance не свети, тогаш одете на www.jaguarincontrol.com/owner и следете ги чекорите за да креирате Ваша сметка на InControl и да ги активирате услугите на InControl. Ако го купувате Вашето возило од овластен продавач, тогаш продавачот ќе Ви помогне во процесот. Ако забележите дека сијаличката во копчето на функцијата Optimised Jaguar Assistance свети контактирајте го Вашиот продавач за помош, бидејќи нема да можете да го поврзете Вашето возило со Вашата сметка на InControl.

Како можам да ги прекинам моите услуги од InControl?

За да ги прекинете Вашите услуги од InControl услуги одете на веб-локацијата My Jaguar InControl, кликнете на „Vehicle Settings“ (поставки за возилото) на страницата контролна табла на возилото и на „Remove Vehicle“ (отстрани возило). Имајте во предвид дека Вашата сметка останува активна дури и ако ниедно возило не е поврзано со неа. Можете да ја избришете и Вашата сметка ако немате ниедно друго возило поврзано со неа и/или повеќе не сакате да ја задржите. За да го направите тоа кликнете на картичката „My Account“ (моја сметка), изберете ја секцијата „Remove Account“ (отстрани сметка) и кликнете на копчето „Remove Account“ (отстрани сметка).

Ако решам да го продадам моето возило, како можам да ги избришам моите лични податоци?

Прво, одјавете се од сите Ваши сметки поврзани со Вашето возило. Потоа, избришете ги сите профили и избришете ја Вашата историја на пребарувања. Опциите за да го направите ова се наоѓаат во поставките Navigation (навигација) и во поставките Live (во живо).

Што ќе се случи ако го продадам моето возило опремено со системот InControl?

Кога го продавате, го менувате Вашето возило или ја пренесувате сопственоста на Вашето возило приватно, тогаш морате да го отстраните Вашето возило од Вашата сметка на InControl. За таа цел, пријавете се на веб-локацијата My Jaguar InControl и изберете „Vehicle Settings“ (поставки за возилото) на страницата контролна табла на возилото и изберете „Remove Vehicle“ (отстрани возило) во согласност со Условите за користење на InControl.

Услугите на InControl ќе се пренесат на новиот сопственик на Вашето возило за преостанатиот период од претплатата, под услов новиот сопственик да го изведе поставувањето за сметка на InControl.

Како да ги ажурирам мојата адреса за е-пошта, деталите за контакт и параметрите?

За да ги ажурирате Вашите детали, одете на www.jaguarincontrol.com/owner и пријавете се на Вашата сметка, потоа изберете „My Account“ (моја сметка) или одете на „Settings“ (поставки)/„My Account“ (моја сметка) во апликацијата за паметен телефон InControl Remote каде што можете да ги ажурирате Вашите детали за контакт, да ја смените лозинката или да го ресетирате Вашиот ПИН број.

Што се случува со моите податоци, кој има пристап до нив и дали можам да пристапам до нив?

Сите податоци се складирани во согласност со барањата за заштита на податоците на земјата во која е купено возилото. За подетални информации погледнете ја политиката за приватност на Jaguar InControl.

Што ќе се случи ако ја заборавам мојата лозинка за InControl?

Изберете ја опцијата „Forgot your password“ (ја заборавивте Вашата лозинка) во системот Pivi Pro¹, на екранот за пријавување во апликацијата за паметен телефон InControl Remote⁴ или на веб-локацијата на My Jaguar InControl и следете ги поставените прашања.

Што е Wi-Fi овозможено со функцијата план на податоци?

Системот Wi-Fi овозможено со функцијата план на податоци нуди 4G/LTE (во зависност од моделот) Wi-Fi хот-спот во Вашиот автомобил, што им овозможува на патниците да поврзат повеќе уреди на интернет преку 4G/LTE врската во-автомобил. Се користи антената што е монтирана на покривот со што се зголемува сигурноста за непрекината врска додека сте во движење. На овој начин се добива појака податочна врска (во споредба со паметен телефон во возилото) бидејќи металната структура на каросеријата на возилото може да го попречи приемот на податоци.

Дали Wi-Fi Овозможено со план на податоци ќе обезбеди непрекината Wi-Fi врска додека возилото се движи?

Wi-Fi Хот-спот⁷ работи преку мрежата за мобилна телефонија и ќе даде подобра податочна врска отколку паметен телефон во возилото, но нема да работи во области каде што нема мрежа.

На каков тип на мрежи работи Wi-Fi Овозможено?

Wi-Fi Овозможено работи на мрежи од типот 4G/LTE.

Како да го користам системот Wi-Fi Овозможено со план на податоци?

Во менито „Settings“ (поставки) > „Connectivity“ (поврзливост), вклучете „Hotspot“ (хот-спот) за да им ја овозможите интернет врската на Вашето возило на Вашите паметни телефони и таблети.

Што е „Wi-Fi“ во менито за поставки за поврзливост?

Wi-Fi Ви овозможува да се поврзете на Wi-Fi мрежа, на пример на Вашата домашна мрежа.

Кои се предностите на податочната врска на возилото во однос на податочната врска на мојот паметен телефон?

Јачината на сигналот и на податочната врска на Вашиот мобилен телефон можат значително да се намалат поради конструкцијата на каросеријата на возилото - металот го намалува преносот на радио брановите.

Вметната СИМ картичката што се наоѓа во Вашето возило се поврзува со мобилната мрежа преку значително поголема, посебна антена поставена на надворешната страна на возилото. Оваа антена се грижи да се одржува многу појака податочна врска со мрежата.

Иконата за 4G под часовникот е видлива. Зошто некои поврзани функции не се достапни?

Понекогаш, мрежите можеби се преоптоварени или сигналот е многу слаб за да обезбеди врска со доволно добар квалитет. Ова може да доведе до привремена загуба на податоци.

Кои функции бараат интернет врска?

Следните функции бараат активна интернет врска (интернет врската е обезбедена како дел од претплатата за производот):

Сообраќајни информации во реално време

Онлајн водење

Синхронизирање на дестинации помеѓу возилото и апликацијата InControl Remote⁴ 

Пребарување во живо Цена на гориво (ако е поддржано)

Достапен паркинг за возила (ако е поддржано) Сателитска слика (ако е поддржано)

Пакет Online⁶ – вклучува Online Media, апликации за временска прогноза, агенда и паркирање (ако е поддржано)

Wi-Fi овозможено со функцијата план на податоци⁷ 

Ажурирање на мапите вклучувајќи ажурирања за локации на безбедносните камери

Дали ми треба СИМ картичка за да го поврзам моето возило на интернет?

Не, Вашето возило доаѓа со вградена СИМ картичка што овозможува користење на:

1. Поврзана навигација¹ со поврзани функции/услуги на системот
2. Wi-Fi Овозможено со план за податоци⁷
3. Пакет Online⁶ со функциите/услугите на пакетот

Овие услуги бараат важечка претплата. Мобилните податоци се вклучени во претплатата, така што нема потреба од никакви дополнителни договори или СИМ картички сè додека трае претплатата.

Зошто возилото не го помни мојот Bluetooth телефон и не го спарува автоматски?

Најверојатно затоа што функцијата за автоматско поврзување за тој уред е оневозможена во Вашите поставки за Bluetooth или прво се поврзуваат други Bluetooth уреди во работниот опсег на возилото.

Колку Bluetooth уреди можат да се поврзат или спарат?

Вкупно 10 Bluetooth уреди можат да се спарат, а во исто време два уреди можат да бидат спарени – овие уреди можат да бидат телефони или медиа уреди. Првиот уред што е спарен со Pivi/Pivi Pro¹ ќе биде означен како Ваш примарен уред. Ова може да се смени во поставките, одете на „Settings“ (поставки) > „All“ (сите) > „Connectivity“ (поврзливост) > Bluetooth > и кликнете на уредот што сакате да го смените.

Имам поврзани два телефони; како можам да префрлувам кој телефон се користи за правење повици?

Од почетниот екран на плочката за телефон, кликнете на иконата за телефон во долниот дел од екранот на допир. Тука можете да префрлувате кој телефон ќе се користи за правење повици. Другиот поврзан телефон тогаш може да се користи само за примање повици. И од екранот за телефонот можете да ја допрете обележаната икона за селектор во горниот дел на екранот на допир. Тука можете да префрлувате кој телефон се користи за правење повици.

Како можам повторно да поврзам претходно спарени Bluetooth уреди?

Методите за поврзување телефон или медиа уред за музика се многу слични.

За повторно да поврзете телефон, користете го селекторот за телефон преку почетниот екран на плочката за телефон или селекторот за телефон на горниот дел на екранот на допир во функцијата телефон.

За репродукција на музика, следете ги истите чекори но преку почетниот екран на плочката за медиуми или преку селекторот за извор во екранот за медиа плеер.

Кога слушам музика од мојот телефон/медиа плеер што е поврзан преку Bluetooth, јачината на звукот изгледа многу мала споредено со други аудио извори?

Нивото на јачината на звук што е поставено на самиот уред може да влијае на јачината на звукот преку звучниците на возилото. Зголемете ја јачината на звукот на Вашиот поврзан уред.

Дали може секој што има пристап до возилото да ги гледа моите преземени контакти или фотографии?

Не, Вашите синхронизирани контакти ќе бидат видливи само кога Вашиот телефон е поврзан со возилото.

Како да ги барам контактите од телефонскиот именик од мојот телефон?

На почетниот екран можете да го допрете списокот со омилени контакти (само за поддржани телефони) или да го допрете копчето за неодамнешни повици што се наоѓа во плочката за телефон.

Од главниот екран за телефонот изберете „Contacts“ (контакти). Допрете ја иконата за пребарување на горниот дел од екранот за да пристапите до тастатурата и започнете го барањето на контактот што Ви треба. Како што пишувате, така списокот со резултати автоматски се ажурира. Кликнете на полето „x matches“ (х совпаѓања) или на копчето за криење на тастатурата за да ги видите опциите.

Од друга страна, со допирање буква на страна од контактите ќе се прикаже тастатурата. Со допирање на буква, на пр. „F“, ќе скокнете во списокот до контактите чие што име почнува на буквата „F“.

Можете да го користите и копчето за препознавање глас поставено на воланот и со помош на гласовна команда да повикате телефонски број. На пример:

„Call David Smith“ (повикај го Дејвид Смит)
„Call David Smith Mobile“ (повикај го Дејвид Смит на мобилен)
„Dial 01234987654“ (повикај го бројот 01234987654)

Што е ажурирање на софтверот?

Функцијата за ажурирање на софтверот Ви овозможува да го ажурирате главниот софтвер на возилото „ over-the-air“ (безжично). Ажурирањата можат да се изведат во временски период што Ви одговара и немате потреба од посета до Вашиот продавач или до овластен сервисен центар.

Што му прави ажурирањето на софтверот на моето возило?

Функцијата Ажурирање на софтверот⁸ ќе ги подобри перформансите на главниот софтвер за да осигури дека Вашето возило секогаш работи со најнов софтвер. Повеќе системи на возилото можат да бидат цел на едно ажурирање на софтверот.

Кој софтвер може да се ажурира во моето возило?

Далечински можат да се ажурираат системот за информации и забава, телематиката и разните контролни системи на возилото и на тој начин можете да уживате во максималното доживување при возењето.

Дали треба да имам сметка на InControl за ажурирање на софтверот?

Не. За да изведете ажурирање на софтверот не Ви треба сметка на InControl.

Како да ја вклучам функцијата Ажурирање на софтверот?

Software updates⁸ е автоматски овозможена во Вашето возило. Преземањето и инсталирањето на нов софтвер може да се случи или преку Wi-Fi или преку вградената врска за мобилни податоци. Преземањето ќе се случи автоматски и при тоа нема да имате никакви пречки за да го користите Вашето возило.

Како да го поврзам моето возило за да прима ажурирање на софтверот?

Системот Pivi / Pivi Pro¹ може да се поврзе или преку Wi-Fi врска или преку вградената врска за мобилни податоци во возилото.

Дали има трошоци за пренос на податоци што се поврзани со ажурирањето на софтвер?

Не. Ажурирањето на софтверот се изведува или преку Wi-Fi или преку вградената врска за мобилни податоци во Вашето возило и немате никакви трошоци за пренос на податоци.

Колку често ќе добивам ажурирање на софтверот?

Ажурирањата ќе се испраќаат периодично за да се оптимизираат системите на возилото. Ажурирање ќе добиете или кога ќе се појави потреба или кога ќе се забележат проблеми со постоечки софтвер за возилото. Ќе бидат достапни и нови функции во софтверот што ќе бара негово ажурирање.

Како да знам дали е достапно ажурирање?

Кога некое ажурирање е спремно за инсталирање, тогаш на екранот на допир во Вашето возило ќе добиете скок-прозорец со известување. Достапно ажурирање ќе се покаже и во ставката на менито „Software update“ (ажурирање на софтвер) во главните Pivi / Pivi Pro¹ поставки.

Дали треба ажурирањето да го инсталирам веднаш?

Не. Кога некое ажурирање е спремно за инсталирање тогаш на екранот на допир во Вашето возило ќе добиете скок-прозорец со известување. Тука, можете да притиснете или на „Update now“ (ажурирај сега) или на „Schedule“ (распореди го ажурирањето), што ќе Ви овозможи ажурирањето да го изведете во време што Вам Ви одговара.

Колку време однапред можам да го распоредам ажурирањето?

Ажурирањето можете да го распоредите за изведба до 14 дена однапред.

Што треба да направам пред инсталирање на ажурирањето?

Пред да може ажурирањето на софтверот да започне, уверете се дека:

1) Новиот софтвер е успешно преземен во Вашето возило преку Wi-Fi или преку вградената врска за мобилни податоци во возилото
2) Мора да се прифатат условите за користење на ажурирањето на софтверот (каде што се применува)
3) За да започне ажурирањето возилото мора да биде заклучено и алармот да е вклучен (кога е наложено така). Времето за инсталирање на ажурирањето ќе се прикаже на скок-прозорец со известување
4) Сите прозорци мора да бидат затворени

Како да изведам ажурирање на софтверот?

1) Секој пат кога го стартувате Вашиот мотор, возилото проактивно ќе провери дали има и ќе ги преземе сите применливи ажурирања за Вашето возило
2) Кога е достапно ново ажурирање, на екранот на допир во возилото ќе се прикаже известување
3) Можеби ќе се побара да ги прифатите условите за користење на ажурирањето на софтверот
4) Исто така ја имате опцијата да го распоредите ажурирањето во следните 14 дена
5) Кога е наложено, изгаснете го моторот, заклучете го возилото и вклучете го алармот и уверете се дека сите прозорци се затворени за да може инсталирањето да започне. Времето за инсталирање ќе се прикаже на скок-прозорец со известување
6) По успешно завршување на ажурирањето, на екранот на допир во возилото ќе се прикаже скок-прозорец со известување. Информацијата за последното ажурирање ќе се прикаже и во менито за ажурирање на софтверот
7) Скок-прозорец со известување ќе се прикаже и ако ажурирањето не е успешно од каква било причина. Потоа треба да се обидете повторно да го изведете ажурирањето

Колку време трае инсталирањето на ажурирањето на софтвер?

Времето за инсталирање ќе се прикаже на скок-прозорецот со известување за ажурирање на софтверот. Додека се инсталира ажурирањето не можете да го користите Вашето возило. Инсталирањето ќе започне приближно 10 минути по заклучување на возилото кога ќе изберете „Update now“ (aжурирај сега).

Како ќе знам кога завршило ажурирањето на софтверот?

Известување на Вашиот екран на допир ќе Ве информира дека софтверот е успешно инсталиран.

Дали треба да имам сигнал за да може да се изведе инсталирањето?

Да, за да се изведе инсталирањето треба да имате мобилна врска или Wi-Fi врска.

Дали можам да го сопрам инсталирањето откако ќе започне?

Не. Откако инсталирањето ќе започне тоа не може да се сопре.

Дали може ажурирањата да се инсталираат автоматски?

Повеќето ажурирања ќе побараат да ги прифатите рачно пред инсталирањето. Меѓутоа, понекогаш Вашето возило автоматски ќе се ажурира поради безбедност, сигурност или за одржување на системите.

Дали треба да го активирам автоматското ажурирање?

При автоматското ажурирање не морате ништо да направите, нема да видите известување на Вашиот екран на допир и можете да возите нормално.

Што треба да направам ако инсталирањето е неуспешно?

Ако инсталирањето не успее од која било причина, тогаш можеби системот ќе побара да се обидете повторно. За да пристапите до ажурирањето одете на менито „Software Update“ (ажурирање на софтверот) во Вашите поставки на Pivi / Pivi Pro¹. Ако Вашето возило има проблеми при стартување по ажурирањето, контактирајте ја службата за помош на пат или Вашиот локален продавач и тие дополнително ќе го анализираат случајот.

Дали можам да го ажурирам софтверот додека сум надвор од земјата?

Да, можете да го ажурирате софтверот додека сте надвор од земјата, преку Wi-Fi врска или преку вградената врска за мобилни податоци во Вашето возило.

Зошто не сум видел известување за ажурирање на софтверот?

Вашето возило бара мобилна врска или Wi-Fi врска за да прима ажурирање на софтверот. Ако на Вашиот екран на допир не сте виделе скок-прозорец со известување, тогаш одете на менито „Software Update“ (ажурирање на софтверот) на Pivi / Pivi Pro¹ во главните поставките за да видите дали е достапно некое ажурирање. Ако е достапно, можете да го инсталирате директно од ова мени или распоредете го за подоцна.