СЕРВИС ЗА СОПСТВЕНИЦИТЕ НА ВОЗИЛА

Редовното сервисирање е битен дел од одржувањето на класик возилата. Затоа создадовме уникатни опции за серивисирање коишто се копија на проверките изведувани во времето на производство на моделот и ги комбинираме со нашето денешно техничко знаење. Сите активности се запишуваат во вашата сервисна книшка од Jaguar Land Rover Classic Works што ќе ви помогне да ја одржувате вредноста на вашето возило и ќе го заштити вашиот имот.

Кога нашите клиенти прв пат ќе го донесат нивното возило во погонот на Jaguar Land Rover Classic им препорачуваме целодневна проверка на состојбата на возилото. Откако оваа сеопфатна визеулна проверка на 121 позиција на возилото ќе заврши, ви изготвуваме извештај со детали за сите потребни зафати и тоа според системот на итност во црвена, портокалова и зелена боја. За добро одржуваните автомобили достапна е и полудневна проверка.

Каква и да е физичката состојба на вашето возило, нашите стручни лица од одделението за класик возилата Classic ви стојат на располагање за да го вратат првобитниот раскош на возилото. Нашите услуги при реставрацијата се поделени во осум фази. Почетен преглед и проверка на деловите, расклопување, чистење, поправка на каросеријата и реновирање на деловите па сè до повторната склопување на возилото. Секоја фаза од реставрацијата е педантно изведена од страна на квалификувани техничари со што се гарантира за вкупната автентичност на вашето класик возило.

Истите вешти раце што ги создадоа оригиналните V12 мотори на Jaguar денес се тука за да помогнат и во обновувањето на моторите. Ова бескрајно знаење ги комбинира оригиналните техники со модерните процеси на Jaguar и ни дава можност да ги реконструираме моторите што се верни на нивното класик наследство но со прецизност од 21-от век.