Дали знаете дека возилото Panasonic Jaguar Racing Formula E во текот на само една трка може да собере доволно енергија преку паметно кочење за да ја зголеми својата автономија до 15%? Како? Со користење на најновата технологија за регенеративно кочење, којашто е дел и од електричниот друмски автомобил I‑PACE Concept.

Во обично возило со мотор со внатрешно согорување, автомобилот ја намалува брзината преку конвенционални кочници со триење кај коишто плочките притискаат на дисковите. Кинетичката енергија на возилото се претвора во топлинска енергија што потоа се губи. Меѓутоа, кај електричното возило напојувано преку батерија (BEV), електромоторот може да ја претвори таа кинетичка енергија во електрична енергија за да ги полни батериите и на тој начин ја зголемува километражата што можете да ја изминете со едно полнење.

Во Формула Е, должината на трката е иста за секој натпреварувач, а количеството на енергијата што е дозволено за да се заврши трката е исто така одредено, 56 киловат-часови. Значи придобивките од регенеративното кочење во трка се претворуваат во дополнителни перформанси и потенцијално побрзи времиња по обиколка. Интензитетот на електричното тркање навистина ги тестира деловите на возилото до крајните граници – како и нивните инженери – а бидејќи Jaguar е вклучен во развојот и на електрични тркачки автомобили и на електрични друмски автомобили, придобивките ќе бидат обострани.

„Формула Е е возбудлива и предизвикувачка средина за еден инженер. Можеме да ги користиме лекциите што ги учиме и развојот што го правиме во електричните компоненти за да ги внесеме директно во нашите производни погони за новото пространство од електрични возила на Jaguar“.
^{Ричард Девенпорт - Директор на одделението за истражување, Формула Е технологија}

Со искусување на регенеративното кочење во новото електрично возило на Jaguar веројатно ќе се смени и вашиот стил на возење. Возење со „еден педал“ – во поголем дел од времето се користи само педалот за гас – ќе стане многу практично откако возачот ќе стане свесен за динамиката на електричното возило.

Покрај овие големи технолошки промени, иновативниот I‑PACE Concept и понатаму е Jaguar.

„Тоа е електрично возило, но пред сè тоа е Jaguar, така што мора навистина да се држи до карактеристиките коишто нашите клиенти ги знаат и ги сакаат во сите нивни возила од Jaguar. Јасно е дека автомобилот мора да има неверојатен дизајн, како за внатрешноста така и за надворешноста. Треба да биде комфорен и префинет, но во исто време тој треба да понуди возбудлива и стимулирачка динамика на возење. Тоа се карактеристиките што I‑PACE Concept ќе ги донесе до целосно нов тип на клиенти“.
^{Ијан Хобан - директор за возила, Jaguar}